- قال ليك الزول البفكر يوافق برئاسة المريخ، أول ما يشوف تسجيلات الهلال… بيقفل تلفونو، يشيل الشريحة يمسح الواتساب ويمكن كمان يهاجر!
ليه يا عليقي تعمل في الناس كدا؟
- إنت ما ختّيت في بالك إنو المريخ لحدي هسه ما عنده رئيس؟ ولا ناوي تخليهم يدوروا زي الزول البفتش في الضلام على لمبة ما مركبة!
- المرشح لرئاسة المريخ قاعد في البيت، بيشرب شاي بالنعناع، جاته مكالمة
أها، توافق تمسك الرئاسة؟ والله نشوف بعد ساعتين يفتح التلفزيون، يلقى الهلال جايب محترفين من العيار الثقيل ومكوش على النجوم الوطنيين، يقوم يرد آسف يا جماعة، أنا تذكرت عندي سفرية عاجلة… لآخر السنة الجاية! - كل ما مرشح يقرب يوافق، يشوف حال الهلال، يرجع يعتذر ويقفل تلفونو
- بصراحة، ما فضل للعليقي إلا يمشي يسجل رئيس للمريخ… بالمرة، بما إنه كمل كلو حاجة
- تسجيلاتك دي لو في رئيس قاعد، بتخليه يقدم استقالة في 24 ساعة… خلي يكون أصلو مافي
- الوضع بقى كوميدي لدرجة ممكن نشوف إعلان في الصحف
مطلوب رئيس للمريخ شرط أساسي ما يتابع أخبار الهلال - الهلال بيوقع مع لاعبين كبار وبستعد لدوري الأبطال، والمريخ لسه بيعمل إجتماعات لاختيار لجنة عشان تختار الرئيس
- المشهد بقى زي حفلة زواج العريس جايب أوركسترا، والكوشة متغطية بالورود، والناس بتصور لايف وفي الجهة التانية، ناس عاملين عزاء، وما عارفين يشيلوا الفاتحة مع منو
وإذا إستمر الوضع كدا، ما نستبعد نشوف العليقي في المؤتمر الصحفي الجاي يقول
صفقة الموسم رئيس المريخ الجديد تم التوقيع معاه بعقد مفتوح المدة، مع شرط جزائي ما يتابع أخبار الهلال والغرض ضمان الاستمرار - الناس في البلد دي جارية وراء المناصب وبتتصارع عليها… إلا منصب رئيس المريخ، الناس جارية منو جري، منصب فاقد الجاذبية تماماً
- لو إستمر الحال كدا، ممكن نرسل ليكم ولدنا كوراتي إعارة لحدي ما تلقوا رئيس
ياخي دا وضع صعب شديد لما يكون جاركم مسيطر علي الساحة وشايل مفتاحا و بسجل بالمستوي دا وانتوا لسه ما لاقين رئيس - الناس وصلت وانتوا لسه مالاقين سواق
- يا سائق يا رايق وقف وقف و سوقني معاك!
- نسوقكم وين يا تميهداب، كان بودنا لكن نحنا مشوارنا طويل وصرفنا عليه كثير وانتوا شايفين براكم حالنا بقي كيف
- انا متاكد لو المرشحين ما تابعوا اخبار الهلال خالص فيهم واحد بوافق
- لكن طول ما أخبار الهلال مالية الصحف والوسائط وكل يوم نجم جديد ما بتلقوا رئيس
باص قاتل
لو لقيتوا رئيس أكيد ما متابع الاخبار !!
